Ads By Google


تطبيق FastOrder للطلب السريع من المطاعم بدون الحاجة للإنتظار


Ads By Google

تطبيق FastOrder للطلب السريع من المطاعم

فيه تطبيقات كتير من خلالها تقدر تطلب أكلك ويوصلك لحد عندك سواء كنت في البيت أو الشغل أو عند أي حد من صحابك لكن لازم تستنى لحد ما طلبك يتم تجهيزه ويوصلك بعد فترة معينة.

وأحياناً بتضطر إنك تنزل تشتري اكلك بنفسك من مطعم معين و إنك بالصدفة عديت من قدامه فالجوع رماك 😀

ولكن بتعاني أكيد من الإنتظار أو الوقوف في طابور ولا طابور العيش لحد ما دورك ييجي وانت على لحم بطنك !

عشان كدا جبتلكم تطبيق FastOrder الجديد اللي من خلاله هيسهلك موضوع الطلب من المطاعم وفكرته إنك تثبت التطبيق على موبايلك وتسجل فيه وعلى طول تقدر تطلب الأوردر بتاعك من أي مطعم شريك للتطبيق وتروح تستلم طلبك على طول بدون إنتظار ولا زحمة طوابير ولا غيره.

افتح التطبيق ⇐ اختار المطعم ⇐ اطلب أكلك ⇐ استلمه فوراً ⇐ عبي كرشك

الحقيقة إن فكرة التطبيق دي عجبتني جداً خاصةً إنها لسة جديدة ومفيدة جداً لأن الوقت دة من أهم الحاجات عند أي حد فينا واستهلاكه أو تضييعه دايماً بيزعلنا.

على سبيل المثال لو إنت سايق عربيتك وكنت جعان أو جت على بالك أكلة معينة طلع تطبيق FastOrder على طول واطلب أكلتك ومسافة السكة هتروح تلاقيها جاهزة وبكدا هتكون وفرت على نفسك كتيييير وتآكل وإنت مبسوط كمان.

هتدفع إزاي؟

تطبيق FastOrder بيسهلها عليك فهتقدر تدفع من خلال التطبيق نفسه أو عند وصولك للمطعم مفيش أي مشكلة.

أصل التطبيق وإيه المطاعم الموجودة فيه؟

التطبيق في الأصل روماني ومتواجد في 5 دول لحد دلوقتي (مصر، أسبانيا، الدنمارك، زمبابوي وطبعاً رومانيا)

أما المطاعم الموجودة في تطبيق FastOrder لحد وقت كتابة المقال في مصر فهما أكتر من 10 مطاعم في القاهرة وطنطا وهما:

  • القاهره: رضوان، كاب تشيكن، بيتزا ان
  • طنطا: الملكة، عيش وملح، كونافستا، فيلا 53، بريك، حسونه الفطاطري، الطابية، الهفتان، ميلانو
FastOrder كمان هيكون في إسكندرية ومحافظات تانية كتير وأعتقد الفترة الجاية هيزيد إنتشاره ويضم مطاعم أكبر بسبب فكرة التطبيق اللي بتعتمد على توفير الوقت في الأساس.
FastOrder للاندرويد والأيفون

تطبيق FastOrder

الموقع الرسمي للتطبيق ودي صفحة الفيسبوك داخل مصر، و صفحتهم العالمية وكمان تقدر تنزله وتثبته برابط مباشر للأندرويد و الأيفون مجاناً ومتنساش تقولنا رأيك عن التطبيق من خلال التعليقات وإيه المطاعم وبلدك اللي تحب تكون موجودة فيه.


مقالات أخرى قد تعجبك

عن Ahmed Elgarnosy

إسمي أحمد الجرنوسي عُمري 28 سنة - يوتيوبر مصري ومدون تقني ومؤسس موقع تكنو عربي المهتم بتقنيات وشروحات الكمبيوتر والجوال المختلفة، وهدفي هو النهوض بالمحتوى العربي ونشر المعلومة من خلال كتابة المقالات والشروحات المرئية .. وأتمنى من الله التوفيق.

اترك رد

x

‎قد يُعجبك أيضاً

x-vpn

تحميل برنامج X-VPN لفتح المواقع المحجوبة وتصفح الإنترنت بأمان

تعددت برامج الـ Vpnولكننا دائما ننقل ...